پلانێن تێک دانا و ژ ناڤ برنا هەرێما کوردستانێ هەر ژ کەڤن دا تا کو ئەڤرو هەبوینە و بەردەوامن و کەسەک نەشێن ئەڤێ پلانێ ژ ناڤ ببن! نەخاسمە ئەگەر تێک گەهشتن دناڤبەرا پێکهینەرێن کوردستانێ (میللەت و دەسەلەتێ ، دەسەلاتێ و ئوپزسیونێ ) دا نەبیت. ل ڤێرێ ئەم باس ل فاکتەرێن دەرەکی و دەست تێوەردانێن بیانی ناکەین و تەنێ دێ باس ل فاکتەرێ نافخویی کەین.
تێک گەهشتنێ ئەوە کو ئەڤی خەلکی خوە ب خوە دەنگێ دایە دەسەلاتێ و هێز و شەرعیەتا دەسەلاتی ژ وێ پروسێسا دەنگدانێ هاتیە، یاکو ب رەئیا چاڤدێرێن بیانی پروسێسەکا دیموکراسی و سەرکەفتی بوو، نەخاسمە بەشدار بوونا پارتەکا نوی ب هێزەکا نەچاڤەرێکری د ڤێ پروسێسێ دا، واتە ئەڤ دەسەلاتا دامەزرایی دەرئەنجامێ ڤێ پروسیسێ بویە، و پێدڤێە ئوپزسیون ب خەلکێ خوە یێ کێمینە ژی رێزی ل ئیرادا زورینەیێ بکەن، و نەبنە سەدەما تێک دانا گەش و هەوایێ کوردستانێ.
ئەگەر پروگرامێ دەسەلاتێ ژلایێ وانڤە نەهێتە پەسەند کرن دشێن ب دیارکرنا خالێن لاواز د پێشکێشکرنا خزمەتێ دا ب شێوەکێ راست و ئاشکرا ب رێکا کەنالێن خوەێن راگەهاندنێ و فراکسیونێن خوە ل ناڤ پەرلەمانی دا خویا بکەن.
بو چ پارتەک یان گروپەکێ سیاسی نینە ببیتە ئامرازێ تێکدانا بارێ ئێمناهیا کوردستانێ، رێکخستنا خوپێشاندانێن ئاشتیانە کو ب یاسا بو هەمی لایەنا هاتیە پشت راست کرن، مێدیا و کەنالین راگەهاندنێ هەنە کو خەلک ب دلێ خوە ئەوا دڤێت بێژت، و کریارێن حکومەتێ بێخنە بەر رەخنێ.
دەسەلات دێ هەول دەتن کو باشترین خزمەتا پێشکێشی خەلکێ بکەتن ل گور پروژێن خوەێن هاتینە راگەهاندن د هەوا هەلبژارتنا دا یان پاش هەلبژارتنا، بەلێ ئەگەر ئەرکێ دەسەلاتێ ئەو بیت کو پروژەێن ئوپزسیونێ جێ بەجێ بکەتن و ب فرمانا ئوپزسیونێ کار بکەتن! ئەڤە سیستەمەکێ نوێ دەسەلاتێ یە کو ئەم نەشارەزانە لسەر، و یێ نویە، دەسەلات دەستی ژ پروگرامێن خوە بکێشت و ێن وانا جێ بە جێ بکەتن.
دەسەلات ژی هندەک کارا دکەتن کو بالا مروڤی بو خوە دکێشت واتا پێشکێشکرنا پروژەکێ چاکسازیێ بو ئوپزسیونێ، پروژە پێدڤێ ناکەتن بهێتە پێشکێشکرن بو لایەنێن ئوپزسیونێ، پێدڤیە دەسەلات یان فراکسیونا دەسەلاتدار پێشکێشی پەرلەمانی بکەتن و گەنگەشە بکەتن، ل وی دەمی فراکسیونێن ئوپزسیونێ د شێن لەگەل بن یان نەل گەل، لێ پێشکێشکرنا پروژەی بو لایەنێن ئوپزسیونێ دەسەلات ژ سەنگێ خوە کێم دکەتن و گرنگێ دەتە وانا، ب دینا من ئەڤە نەیا جهێ خوە دایە.
وەرن پێکڤە دورهێلا کوردستانێ بخوینین هەر ژ هەڤدەیێ شوباتا سالا چوویێ و رویدانێن بادینان و نێزیک بوونا سالڤەگێرا خوەپێشاندانێ بو مە دیار دبیتن کو پێکولێن زور ب هێز هەنە و خەلکەکێ خوە بەرهەڤ کرینە کو ئەڤ سالە ژ سالا چوویی گەلەک خرابتر هەرێما کوردستانێ بهێتە تێک دان، خەلکەک چێدبیت هزر بکەتن کو نڤێسەرێ ڤان دوو رێزان ئێکجار رەشبینە، و پێشگوتنێ دکەتن، بەرسڤ ئەوە کو د لێکدانا بارەدوخی و خواندن و بوچونێن خەلکێ کوردستانێ، نەبوونا حەزا بەشداریێ د حکومەتەکا بنکە فراوان ڤێ بو مە وەک هەیڤا چاردە شەڤی دەتە خوەیا کرن، کەس ئەو نینە یێ بڤێت خزمەتا خەلکێ بکەتن، هەرکەسەکێ دڤێت لایەنێ دیتر د کاروبارێن خزمەت کرنێ دا شکەستنێ بخوەڤە بینت و لاوازی بکەڤیتە ئاستێ خزمەتکرنێ دا، لەورا ئەف سالە ژێ ب وی شێوازی یە و پێدڤی نینە کەسەک ژ مە هزرێ تێدا بکەتن، چونکە ئەڤە بویە رێورەسمەک دناڤ کوردستانێ دا هەرکەسێ بیست لایەنگر هەبن دێ شێن بارێ ئێمناهیا هەرێما کوردستانێ (یا کو هەمی کورد ب چرایەک گەش دبینن بو داهاتی) بێخنە بەر مەترسێ، بلا ئەڤ گروپە بسەر چ پارتێن سیاسی نەبن، نەخاسمە ئەگەر سەر ب پارتەکا سیاسی بیت کو پتر ژ بیست هزار رێکخستی و لایەنگرا هەبن بێ گومان باس لێ ناهێتە کرن.
تێکدان کارەکێ ئاسانە بەلێ ئاڤاکرن یا ب زەحمەتە، دەسەلات چەندا ژیر بیت ژی نەشێتن بەر سنگی لێ بگرتن چونکە دێ کەفیتە قەوارەکێ دی دا کو ب ناڤێ نەبوونا دیموکراتیەتێ،مافێ مروڤی و مافێ خوە پێشاندانا و ب سەدان ناڤ و زاراڤێن دیتر کو هێلەکا سورە و دەسەلات حەز ناکەتن لێ دەرباز ببیتن، و کارناما خوە پێ رەش بکەتن.
ليست هناك تعليقات:
إرسال تعليق