ئەگەر ئەم تێبینێ بکەین لدور رونشتنا دوهی یا سەروکێ هەرێما کوردستانێ دگەل نوینەرێن وەلاتێن زلهێزێن جیهانێ دا دێ بو مە دیار بیت کو هەموو لایەن دژی مەنە و دخوازن ل پێ حەزو خواستێن وانا ئەم کاروانێ خەباتا خوە بمەشینین، بێ گومان ئەڤ چەندە ژی جهێ قەبوول کرنێ نینە نەخاسمە سەروک بارزانی ئەڤ چەندە ب راشکاوی ئێخستیە پێش چاڤێن وان داخواز ژ وان کر کو ئەلترناتیڤەکێ باشتر و نڤێسکی پێشکێش بکەن داکو ئەم ژ ب جه ئینانا پروسا رێفراندوما هەرێما کوردستانێ پاشەگەز ببین.
لێ ژ بەرو وێ چەندێ کو وانا چ تشتەک وەک دلنیایی بوون لسەر ئەڤێ چەندێ بو کوردان د دەست دا نەبوویە ناچارن هەلویستەکێ ب ڤی شێوازی لسەر بریارا گەلەکێ زولم لێ کری ب سەپینین، ئەڤ چەندە ژی ژ بەر هندەک هوکارانە، ژ هەمییا گرنگتر ئەوە کو وەلاتێن زل هێز هەمی دەما حکومات و گەلێن چەوسای ناچار کرینە کو دیڤ نەخشە رێکێن وانا هەمی پروسێن خوە بمەشینن حەتا ئەگەر پلانەک بیت بو ژ ناڤبرنا وانا.
ئەڤرو مللەتێ مە ئەڤێ چەندێ قەبوول ناکەن چونکە راوستاندن یان پاشگەز بوونێ ژ رێفراندومێ دژی بەرژوەندییا خوە دزانین، و ژلایێ وانا ڤە ئەڤ پێنگاڤا د هەرێما کوردستانێ دا تێتە هاڤێتن دێ بیتە ئاستەنگەک د رێکا جێ بە جێ کرنا نەخشە رێکا تایبەت ب وانا چونکە وەلاتێن زلهێز هیچ نرخەکێ نادنە ب مللەتێن دیتر. و دور نینە ب پاشگەز بوونا مە ژ ئەڤێ بریارێ پەیمانەک ب ناڤێ بریت مەککورک) هاوشێوەیێ (سایکس بیکو) لسەر کوردان بو ماوەیێ سەد سالان بهێتە سەپاندن.
واتە گوتنا برێت مەککورک کو کوردا چ پێگەهێ خوە یێ سیاسی ل ناڤ وەلاتێن جیهانی نینە، زور راستە چونکە کوردا وەلاتێ خوە نینە لەورا پێگەهێ خوە نینە، ئەڤجا ئەڤ بزاڤا مە بو چێکرنا پێگەهەکێ سیاسی یە ل ناڤ وەلاتێن جیهانێ. بو نموونە وەلاتێ ئیسرائیل ژی چ پێگەه نەبوون پاش دوماهیک هاتنا شەرێ دووێ جیهانی بەلێ ئەڤرو خودی پێگەهەکێ ب هێزە ل ناڤ کومەلگەهێ جیهانی دا. لێ ب دیتنا من ئەڤ پێگەهی هەرێما کوردستانێ ل ئەڤرو هەی گەلەک ژ پێگەهێ ئیسرائیلییا ل وی سەردەمی بهێزترە.
ليست هناك تعليقات:
إرسال تعليق