ل جیهانێ ب شیوەکی گشتی ژمارەکا بەرچاڤ یا سیمبوولا هەنە کو ژ لایێ هەمی جیهانیان ڤە تێنە نیاسین و رێزگرتنەکا تایبەت ل ڤان سیمبوولا تێنە گرتن.
مێژوویا هەر میللەتەکێ ڤان جورە سیمبولا دەتە نیاسین، دەرەنجامێ خوە راگریا وان و هەلویستێ وان د دەمەکێ دیارکری ژ مێژوویێ دا، واتە ڤان کەسا ب هەلویستێ خوەیێ ژ هەژی شیاینە شین تبلێن خوە ل مێژوویا میللەتێ خوە دورست بکەن. گەلەک جاران ئەو سیمبولێ د چاڤێن خەلکانەکێ دا نە هەژی وێ رێزگرتنێ یە یا کو لێ تێتە گرتن. ئەڤە ژی بو وی دیتنێ د زڤریتەڤە یا کو خەلک هەی هەمبەر سیمبولێن خوەێن نەتەوایەتی کو بوینە پارچەک ژ مێژوویا وان ئەڤجا ب باشی یان خرابی. دەست پێ کرن و دوماهیک هاتنا شەرێ دووێ یێ جیهانی بو مە هەمیا ژمارەکا بەرچاڤ یا سیمبوولان دایە نیاسین، و خرابترینێ وانا هیتلر تێت بیرامە، لێ ب دیتنا من یا گرنگ ئەوە کو دەمێ مروڤ ئەڤرو ژی ل دەڤ ئەلمانییەکێ باس لێ بکەتن، ب شێوەکێ زور باش ستایشێ رولێ وی دکەن، و خوە پێ روسوا ناکەن، سەرەرایێ وێ چەندێ کو دزانن هیتلر کەسەک بو کو سەدان هزار خەلک دەرئەنجامێ هزرکرنا وی یا چەوت هاتنە ژناڤبرن ل سەرتاسەری جیهانێ.
سیمبولێن مەێن کوردا هەر د پێڤەژویا میژوویێ دا کەسانێن ئاشتێ خواز بوینە و خەباتا وان پێناڤ دەستڤەئینانا مافێن رەواێن گەلێ کورد بویە، وهیچ جارەکێ پەنا نەبرییە بو شێوازێن خراب دگەل لایەنێن دەسەلاتدار، و ب بەردەوامی ناچار بوینە کو بەرەڤانیێ ژ ئاخا خوە بکەن. لسەر ڤی شەنگستی ئەڤرو کەسانەک بلا حەقێ نەدەتە خوە سوکاتیێ ب سیمبولێن مە ێن نەتەوایەتی بکەن، ودیروکا مە یا پری سەروەری ب هەلویستێن خوەێن نە هەژی لەکەدار بکەن، هەروەکی ب بەردەوامی لەکەدار کری.
بارزانی ژی نموونەیا هەرە باشە دناڤ مێژوویا میللەتێ مە ل سەد سالێن بووری دا. بارزانی هەمی ژیانا خوە ب خزمەتکرنا کوردستانێ تەرخان کرییە و کەساتیەک کارێزمی بوویە کو شین تبلێن وێ ل مێژوویا هەڤ چەرخا کوردستانێ دیارە و هەر کوردەکێ ب شەرەف ڤێ چەندێ دزانت و ئاگەهدارە لسەر، و هەر دەمێ ناڤێ وی تێتە گوتن پێدڤیە مروڤ سەرێ ریزێ بو بچەمینت وەک رێز گرتن بو خەبات و تێکوشینا وی و ناساندنا بو جیهانێ.
خەلکانەک ژی کو بەردەوام وەک خالا رەش بوینە دناڤ مێژوویا مەدا، دیسان دەست ژ کار و کریارێن خوە ێن چەوت بەرنادن و سوکاتیێ ب سیمبولێن مەیێن نەتەوایەتی دکەن ب هێجەتا پلا بەرپرساتیێ.
کەسێن دی ژی ئەڤێ هەلویستێ وەک دەلیڤە دزانن بو هەلکرنا ئاگرێ جیوازیێ دناڤبەرا پێکهاتێن کوردستانێ و سوکاتییێ ب سیمبولێن مێژوویا میللەتێ مە دکەن، و ب شێوەکێ ئاشکرا کەساتیێن مە ێن کو مێژوویا مە یا ب هەلویست و شورەش و خوەراگریا وان هاتی خەملاندن، تێخنە بەر رەخنێ و سوکاتیێ پێ دکەن. میللەت هەلسەنگاندنێ دکەتن و بلا کەسەک یان گروپەک یان لایەنەک سیاسی مافێ هەلسەنگاندنا کەساتیێن مە نەدەتە خوە، چونکە ئەوێن وی حەقی دەنە خوە ژ هندێ گەلەک کێمترن، و بلا بزانن ئەڤ هزر کرنا وان یا چەوت خزمەتا داهاتێ مە وەک کورد ناکەتن تەنها ئەو نەبیت کو کورد ب دەستێ خوە مێژوویا خوە رەش دکەن، و خزمەتا وێ بو (تورانی و قحطانی و جمشیدی) یە. هەر کەسەک پێنگاڤەک بو خێر و پاشە روژا ڤی میللەتی هاڤێتبیت ل چ گوشە و کنارەکێ کوردستانێ جهێ رێزگرتنێ یە و ئەم سەرێ رێز بو خەباتا وی دچەمینین. و سەر پشکا وانا بابێ نەتەوایەتێ کوردان بارزانێ نەمر.
ليست هناك تعليقات:
إرسال تعليق