ل دەمەکێ دا کو ماوەیێ هێژا د. بەرهەم احمد سالح ل سەروکاتیا کابینەیا شەشێ یا حکومەتا هەریما کوردستانێ ب دوماهیک هاتی، بەرێز نیچیرڤان بارزانی ژلایێ رێزدار سەروکێ هەرێمێ هاتیە راسپاردن بو پێک ئینانا کابینەیا نووی. جەنابێ نیچیرڤان ژی دەرەنجامێ سەربورا خوە یا سیاسی کو کەسەکی زانا و ل ئاست دایە سەرەدانا هەمی لایەنێن ئوپوزیسیونێ کرینە، بو داخوازکرنا وانا بو بەشدار کرنێ د کابینەیا حەفتێ دا، بو پتر خزمەتکرنا خەلکێ کوردستانێ و کارکرن ب شێوەکی ژ هەژی بو سەر ئێخستنا پروسێسا دیموکراتیەتێ ل کوردستانێ. ب دیتنا من دیدا جەنابێ ناڤبرێ، بەشدار بوونا ئوپوزسیونێ د حکومەتا نووی دا، دەلێڤەکێ ددەتن وان کو، ل جهێ راکێشانا خەلکێ بو سەر شەقاما و کوشتنا وان لسەر جادێ و گەهاندنا زەرەر و زیانێ بو خەلکێ دیتر و ئێخستنا ئاسایشا هەرێمێ بو بەر مەترسیێ، ئەو خوە دێ بەشداری حکومەتێ بن و دێ شێن ب شێوەکێ راستەو خوە ل جهێ بریارێ پروژێن خوە ێن چاک سازی و مافێ مروڤی و ئەو تشتێن ئەو باس لێ دکەن جێ بەجێ کەن. بەلێ وەسا دیار بوو کو ئەوانا ئەڤ چەندە نەڤێت و دخوازن" گروپێ امر بالمعروف و نهی عن المنکر" بمینن و ئەگەر خەلەتیەک د کاری حکومەتا هەرێمێ دا دیت وان ئاراستە بکەن بو ئەنجامدانا کارین باشتر.
بێ گومان لایەنێ کار بکەتن زور سروشتی یە کو د راپەراندنا کارێ خوە دا جاران توشی چەوتیا ببیت ژبەر وێ چەندێ کو ممکنە ئینسان هەمێ دەما توش ببیت، لێ لایەنێ کو باوەری ب خوە نەهێت، کو دی شێتن ل جهێ بەرپرساتێ بیت، چ کارا ناکەتن و هیچ توشێ چەوتیا نابیت. ئەگەر ئەو دخوازن" گروپێ امر بالمعروف و نهی عن المنکر" بمینن پێدڤیە ب وژدان سەرەدەیێ ل گەل هەمی دوخا بکەن چونکە ئەگەر مروڤی ئەڤ ناڤە ئیناتە سەر خوە پێدڤیە مروڤ ب باشترین شێوە پێنگاڤا پاڤێت بو ئاراستەکرنێ بەرڤ ئایندەکێ گەش، چونکە ناڤەکێ کێم نینە نەک ب شێوەکێ نارەوا هەمی کاران بێخنە بەر رەخنێ، زێدەباری راکێشانا جەماوەرێ خوە بو ناڤ کولانا و تێکدانا سەقامگیریا کوردستانێ.
پارێزەر دیار سلیمان
diyar.baran1@hotmail.com
ليست هناك تعليقات:
إرسال تعليق